النجم الساطع
إدارة منتديات النجم الساطع
ترحب بكم وتتمنى لكم قضاء أسعد الأوقات فى طاعة الله عزوجل
وتدعوا السادة الزوار إلى الإنضمام إلى أسرة النجم الساطع
وتدعوا السادة الأعضاء إلى الدخول والمشاركة

( إسلامى - تعليمى - ترفيهى )
 
النجم الساطعالرئيسيةالمنشوراتالتسجيلدخولنسيت كلمة المرور ؟

منتدى النجم الساطع يرحب بكم ويتمنى لكم قضاء أسعد الأوقات فى طاعة الله عزوجل ,,,  مدير المنتدى : أحمد حمدى ,,,  ت : 01114061115 - 01276654057 - 01062202518لللل  


شاطر | 
 

 عريس من النت 2

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
القطة الشقية
نجم فعال
نجم فعال
avatar

المشاركات : 40
الجنس : انثى
العمر : 21
تاريخ التسجيل : 27/05/2009
النقاط : 87

مُساهمةموضوع: عريس من النت 2   الجمعة يونيو 19, 2009 4:37 pm


عريـس من النّـت
الجـزء الثانـي

عفاف: يا ماما والنبي افهينى بقي عشان خاطرى.. العريس ده لقطة ومفيش زيه فى النت.. أنا حبيته من كتاباته
الأم: كتاباته؟؟؟ هو مؤلف؟؟؟
عفاف: مش مؤلف قوى يعنى بس بيكتب عالنت
الأم: وده بيكتب فى ايه بالضبط؟

عفاف: لالالالالالا يا ماما.. دا ما شاء الله عليه ماخلاش حاجة إلا لما كتب عنها
الأم بخبث : اااااااااااااااه.. مين يشهد للعروسة؟؟؟؟
عفاف: لا والله ياماما بكلمك جد
الأم بصوت عالى: اسمعى يا بت انتى أنا لا أعرف نت ولا كتابات.. أبوكى زمانه جاي دلوقتي هو بقى يتصرف معاكى
عفاف في سرها: ماهيا دى المصيبة

*******

دخل المعلم حلاوة العنتبلى فى هذه اللحظة مبتهجا وقال: مساء الخير
الأم: يسعد مساك يا خويا.. تعالى بقى شفلك حل فى بنتك دى
العنتبلى: خير يا بنتى؟
عفاف: أبدا يا بابا.. مش انتوا عاوزينى اتجوز.. اهو جالى عريس ومع كدة ماما مش عاجبهاااااااااا
العنتبلى: أكيد مش عاجبها عشان جاهلة.. سيبك منها وقوليلى إيه الحكاية؟

عفاف: فى واحد طلب ايدى عن طريق النت.. وقالى انه جاد فى طلبه ومستعد يجيي فى أى وقت
العنتبلى: عال عال.. وإيه كمان؟؟؟؟
عفاف: يعنى انت مش معارض يا بابا؟
العنتبلى: واعارض ليه يا بنتى

عفاف فى فرح: طب ارد عليه اقوله ايه؟
العنتبلى وبصوت خشن: تردي علة مين؟

عفاف : على حاتم ياباباااااااااااااا

العنتبلى وبصوت خشن: حااااااتم ميييييين؟

عفاف: العريس يا بابا

العنتبلى: اااااااااااه مش تقوليلى كدة من الصبح.. قوليلى الأول هو بيكتب فى أنهي صفحة؟؟؟؟
عفاف: ياااااااااااااه يابابا.. دة بيكتب فى صفحات كتيرة اوي اوي

العنتبلى: عظيم.. وياترى بقى هو مشهور كدا يعني الناس تعرفه؟
عفاف: أكيد يا بابا ده معروف جدا فى الجروبات والمنتديات
العنتبلى: فين ياختى؟؟؟
عفاف: فى المنتديات يا بابا
العنتبلى: ودى تطلع إيه دى كمان؟؟
عفاف: دى صفحات عالنت يا بابا بتجمع أعضاء كتير اوووي.. وبيتكلموا فى مواضيع كتير

العنتبلى: يابت سيبك من النحوى ده وكلمينى كلام افهمه
عفاف في سرها: بقى ده نحوى ياعالم؟
عفاف: حاضر يا بابا.. المنتديات دى زى.. زى ايه قعدة المصطبة كده.. كل مجموعة واخدلها ركن وعمالين يتكلموا فى حاجة معينة.. وبيبقى لها شروط وقوانين معينة وكده يعنى
العنتبلى: ااااااااااااه فهمت.. يعنى زى سوق العجول كده
عفاف وقد فاض بها: عجول ايه بس يابا؟ بقى المنتدى زى سوق العجول؟
العنتبلى: جرا ابه يابت انتي.. مش عاجباكى العجول يا بنت عواطف؟؟؟؟.. مش العجول دى الى بناكل منها عيش وربتك انتى واخواتك لغاية ما كبرتى وبقيتى عجلة زى أمك؟؟؟
عفاف: طيب خلاص يا بابا.. المهم انه مشهور.. مشهور اوووي
العنتبلى: طيب نيجى للمهم بقى؟.. هو عرفك منين؟؟؟
شعرت عفاف بالرعب من السؤال فأجابك بسرعة: عفاف: لا يا بابا اوعى تفهمنى غلط.. والله ما شافنى ولا مرة حتى فى أى حتة
العنتبلى: ماطبعا يا بنتى لأنه لو كان شافك مكانشى اتقدم أصلا
عفاف: وبعدين معاك بقى يا بابا.. هو أنا وحشة اوي كدا؟؟
العنتبلى مبتسما إبتسامة صفراء: يابت بضحك معاكى.. انتى زى القمر بس عيبك الوحيد انك شبه أمك
الأم: جرالك ايه يا راجل إنت ما تتعدل فى الكلام أحسنلك

*******

العنتبلى: احم احم.. كنا بنقول إيه يا عفاف؟؟؟
عفاف: كنت بتسألنى هو عرفنى منين؟؟.. عموما هو عرفنى من النت.. واتقدملى عن طريق النت.. وإن شاء الله لو وافقتم هييجى يتقدملى على طول
العنتبلى: وماله يا بنتى خليه ييجى.. عرفك من النت عرفك من السلخانة.. مش فارقة المهم انه وقع على بووزه
عفاف فى سرها: ياخوفى من ألفاظكم دى الى تطفش 100 عريس مش عريس واحد بس
العنتبلى: قوليله ييجى يوم الجمعة بعد العصر
عفاف مسرورة: حاضر يا بابا هقوله حالا

ودخلت مسرعة إلى حجرتها فاستعجب المعلم حلاوة العنتبلى وسألها: هتعملى إيه يا بت؟؟؟؟
عفاف: هقوله يا بابا
العنتبلى: انتى يا بت أخذتى التليفون عندك؟؟؟؟
عفاف: لا يا بابا أبداااااااا
العنتبلى: امال هتقوليله إزاى من عندك؟

عفاف: هبعتله إيميل
صرخ الأب فجأة بصوت مزعج وعالى: وإيه الى جاب الواد إيميل عندك فى الأوضة؟؟
عفاف: يا بابا اهدى إيميل مين بس ده الى عندى.. أنا أقصد هبعتله جواب على النت

تذكر العنتبلى حواره مع زينهم والورق الذى يدخل من خلف الشاشة فقال: ااااااااااه.. أنا بحسب.. المهم بلغيه بالميعاد

وقبل أن يغادر إلتفت إليها قائلا: بقولك إيه يا عفاف.. بعد ما تكتبى الجواب حطيه بالراحة عشان الشاشة ما تنفجرشى

تابعته عفاف بنظرات الدهشة والحيرة وهى تقول فى نفسها: احط إيه وشاشة إيه دى الى هتنفجر؟.. يارررربي
الرجوع الى أعلى الصفحة اذهب الى الأسفل
mohamed gamal
نجم متواصل
نجم متواصل
avatar

المشاركات : 104
الجنس : ذكر
العمر : 21

تاريخ التسجيل : 24/05/2009
النقاط : 232

مُساهمةموضوع: رد: عريس من النت 2   الجمعة يونيو 19, 2009 5:22 pm

دى مضحكة جدااااااااا

Sad

cheers study cheers
الرجوع الى أعلى الصفحة اذهب الى الأسفل
الجنرال
مشرف
avatar

المشاركات : 213
الجنس : ذكر
العمر : 24

تاريخ التسجيل : 01/06/2009
النقاط : 333

مُساهمةموضوع: رد: عريس من النت 2   السبت يونيو 20, 2009 12:06 am

Rolling Eyes Rolling Eyes Rolling Eyes




cheers cheers cheers









study study study
الرجوع الى أعلى الصفحة اذهب الى الأسفل
manor_2010
نجم متواصل
نجم متواصل
avatar

المشاركات : 142
الجنس : انثى
العمر : 21

تاريخ التسجيل : 21/05/2009
النقاط : 260

مُساهمةموضوع: رد: عريس من النت 2   الإثنين يونيو 22, 2009 3:23 pm

هههههههههههههه

cheers cheers cheers

study study study
الرجوع الى أعلى الصفحة اذهب الى الأسفل
ذوكا
مشرفه
مشرفه
avatar

المشاركات : 47
الجنس : انثى
العمر : 22

تاريخ التسجيل : 26/11/2009
النقاط : 82

مُساهمةموضوع: رد: عريس من النت 2   الخميس يناير 21, 2010 12:39 pm

ههههههههههههههههههههههههه
جميلة
تسلم ايدك
الرجوع الى أعلى الصفحة اذهب الى الأسفل
faten__faten
نجم نشيط
نجم نشيط
avatar

المشاركات : 67
الجنس : انثى
العمر : 20

تاريخ التسجيل : 19/12/2009
النقاط : 98

مُساهمةموضوع: رد: عريس من النت 2   الجمعة فبراير 05, 2010 3:27 pm

Cool
الرجوع الى أعلى الصفحة اذهب الى الأسفل
 
عريس من النت 2
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
النجم الساطع  :: القسم الترفيهى :: ركن الضحك والفرفشة-
انتقل الى: